Prej kohësh tek Barcelona po punohet intensivisht për përforcimin e reparteve që nuk e kanë bindur Xavi Hernandezin deri në këtë moment.
Jo vetëm në Europë por edhe përtej kontinentit katalanasit ndër vite vijojnë të interesohen për talentët të cilët po spikasin në skuadrat e tyre.
Këtë herë ‘’ Los Cules ‘’ janë ndalur tek Corinthians, ekip në të cilin po befason Gabriel Moscardo.
Drejtori sportiv Deco po analizon performancat e mesfushorit, kartoni i të cilit momentalisht arrin 1.5 milionë eurot por sipas parashikimeve kërkesa e brazilianëve mund ti prekë 20 milionë eurot.
Në kohët e fundit ‘’ Azulgranët ‘’ kanë anashkaluar disa opsione për arsye pamundësie, si përshembull Kimmich, Zubimendi dhe gjithashtu ende nuk janë bindur për Ruben Neves , Amrabat apo Guido Rodriguezin, të cilët vijojnë të shqyrtohen nga kuq e blutë.
Performancat e Oriol Romeut qartësisht kanë lënë për të dëshiruar , duke krijuar një lloj skepticizmi për vijimësinë, tek një ekip, i cili pretendon fitimin e titujve në çdo sezon.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
