Gazetari Tami Kona, duke folur për derbin e ditës së sotme mes Partizanit dhe Dinamos, është shprehur se një fitore do të rikthente qetësinë te secila skuadër. Në emisionin “SportZone” në MCN TV, Kona tha se pavarësisht rezultatit në derbi, asnjëri nga trajnerët nuk rrezikon shkarkimin.
“Një fitore do të rikthente qetësinë. Partizani është deri diku më u favorizuar. Është një skuadër ku stabiliteti i rezultateve, te skuadra e Partizanit ka sjellë atë ngërç. Kur mendohet se te Partizani gjithçka është qetësuar, vijnë edhe rezultatet negative.
Bardhi tha se gjithçka mund të durojë, por jo këto rezultate dhe këto që thuhen. Për Dajën pavarësisht çdo rezultati sot, nuk do të ndryshohet nga Partizani. Të njëjtën gjë shikoj edhe për Shkëmbin. Për mendimin tim Shkëmbi nuk është në rrezik as pas janarit. Shumë futbollistë nuk e ndjejnë peshën e fanellave që mbajnë veshur.”, u shpreh Kona.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
