Etapa e Kalidou Koulibaly-t tek Napoli parashikohet se është drejt fundit pasi negociatat ndërmjet senegalezit dhe drejtuesve nuk kanë dhënë akoma rezultate.
Pas derës vijon të qëndrojë Barcelona , skuadër me shumë mundësi për ta transferuar në ‘’ Camp Nou ‘’ qëndërmbrojtësin.
Sipas ‘ CalcioNapoli24 ‘ , 30 vjeçari ia ka bërë me dije drejtuesve të ‘’ Azurrëve ‘’ se dëshiron transferimin në Katalunjë dhe presidenti Aurelio Di Laurentis tashmë është në pritje të ofertave për ishi-n e Genkut.
Kalidou Koulibaly prej shumë vitesh vijon të konsiderohet një ndër më të mirët e Scudettos por nuk ka arritur më shumë se kaq me italianët dhe për Barcelonën ky vendim është një lajm shumë pozitiv.
Problematikat e ‘’ Los Cules ‘’ në prapavijë janë tentuar të reduktohen me transferimet cilësore gjatë merkatove por fillimisht drejtuesit e spanjollëve duhet të zhvillojnë një mbledhje në ditët vijuese për të përcaktuar buxhetin e merkatos.
Duhet pritur sepse gjithçka do të varet nga oferta e Barcelonës pavarësisht preferencës së Kalidou Koulibaly-t , vendim i drejtë nga ana e ‘’ Il Partenopeit ‘’ për arsye të kontributit disavjeçar të senegalezit.
Edhe mungesa e titujve ndoshta do të ndikojë për largimin e tij nga ‘’ Diego Armando Maradona ‘’ sepse prej vitesh nuk po mund të fitojë trofetë e rëndësishëm dhe Barcelona garanton në njëfarë mënyrë thyerjen e akullit nga mbrojtësi potent.
Spanjollët e kanë asin nën mëngë për arsye të preferencës së protagonistit të historisë , prezenca e të cilit do të ishte një vlerë e shtuar në repartin më të dobët në vitet e fundit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
