Trajneri i Egnatias, Edlir Tetova, foli për MCN TV, pas kualifikimit në finalen e madhe të titullit kampion.
Tetova deklaroi se i kishte kërkuar ekipit që të kënaqej sot, ndërsa shtoi se Partizani luan ndeshje.
Është e vërtetë, ishim duke pritur ndeshjen për ta sulmuar Vllazninë. Mendoj se kishim ndeshje të mirë 20 minutat e para, pastaj në 20 minutat e tjera toleruam pak. Skuadra u kthye në ekuilibër në pjesën e dytë.
I kërkova skuadrës të mos nxitohet te qarkullimi i topit. Shkodra nuk po na vendoste në presion, por dhe dozat e presionit janë shumë të forta në këtë ndeshje.
Nuk mendoj fare për presion te ky 90 minutësh. Sot i kërkova çunave që të luajnë, të kënaqen, ta shijojnë ndeshjen. Besoj ashtu ndodhi.
Janë ndeshje të kundërta me Partizanin. Vllaznia bën futboll të hapur, Partizani luan në tranzicion. Ndeshje për t’u shijuar nga të gjithë.
Është dhe një ndeshje. Thjesht kemi kaluar në finale, nuk ishte se morëm trofe.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
