Edhe pse fokusi kryesor ka të bëjë me përforcimet në merkaton e verës, drejtuesit e Real Madridit do të jenë të përqëndruar maksimalisht edhe tek largimet.
Një ndër to është Andriy Lunin , portier i cili mbërriti në ‘’ Santiago Bernabeu ‘’ në 2018-tën si një ndër më premtuesit për të ardhmen.
Megjithatë mungesa e aktivizimit e ka lënë në vendnumëro por pretendentët kryesisht nga Bundesliga dhe Seria A vijojnë të shpresojnë për ukrahinasin.
Pas disa huazimesh tek Real Valladolidi dhe Real Oviedo, rikthimi në Madrid u mendua se do të ishte nisja e një eksperience të re por më kot sepse Thibaut Courtois vijon të mbetet preferencë e padiskutueshme e Carlo Ancelottit.
Kryeqytetasit po i analizojnë opsionet e mundshme të cilat lidhen me huazimin ose shitjen e Andriy Lunin , të cilit i nevojiten domosdoshmërisht minuta poshtë tre shtyllave për të rikuperuar terrenin e humbur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
