Juventusi po ecën me ritmin e duhur në lidhje me merkaton .
Drejtuesit e torinezëve kanë zyrtarizuar ditën e sotme largimet e Paul Dybalas dhe Alvaro Moratas të cilët lanë shenjë në të kaluarën tek bardhezinjtë .
Transformimi i ‘’ Zonjës së Vjetër ‘’ ka filluar dhe Massimiliano Allegri po i bën me qetësi llogaritë në vigjilje të sezonit të ardhshëm që do të provojë forcën e italianëve në çdo kompeticion .
‘’ La Joya ‘’ i ka thënë lamtumirë rekordmenëve të Serisë A pas shtatë sezoneve të cilat u shoqëruan me shumë trofe të rëndësishëm , ndërsa madrileni duhet të rikthehet tek ‘’ Los Colchoneros ‘’ pas huazimit dy vjeçar në ‘’ Allianz Stadium “ .
Në sajë të këtyre largimeve , reagimi i trainerit 54 vjeçar ka rezultuar i menjëhershëm dhe tanimë po analizon disa alternativa, dy prej të cilave janë Enes Unal i Getafes dhe Marco Asensio.
Në lidhje me këto lojtarë është përforlur shumë në kohët e fundit për largimin nga Primera Division dhe në rastin e spanjollit jo vetëm juventinët por edhe Milani ka treguar interes .
Massimiliano Allegrit nuk i ka mbetur gjë tjetër veçse të shikojë përpara dhe ta fillojë sezonin 2022-2023 me këmbën e mbarë me objektivin e lartësimit të emrit të Juventusit pasi potenciali i nxënësve të tij është i jashtëzakonshëm pavarësisht se rrëshkitjet në futboll janë mëse normale sepse është pothuajse e pamundur që të vijohet për shumë kohë në të njëjtën linjë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
