Organizatorët e Tour de France kanë paralajmëruar skuadrat se do të përjashtohen nga gara nëse brenda shtatë ditëve dalin pozitiv në dy testet për Covid-19.
Masat e vendosura kanë të bëjnë jo vetëm me sportistët, por edhe me stafin shoqërues.
Mësohet se turneu i 2020-ës do të fillojë më datë 29 gusht në Nice. Janë 28 skuadra me nga 8-të anëtarë.
Organizatorët e turneut përcaktuan protokollin shëndetësor që do të ndiqet, ndërsa të premten konfirmuan masat e marra.
Të gjithë çiklistët duhet t’i nënshtrohen dy testeve PCR përgjatë shtatë ditëve në vijim.
Ekipet mund të zëvëndësojnë sportistët që dalin pozitiv në testet e kryera. Ndërsa gjatë garës, cilido nga sportistët që del me koronavirus është i detyruar të largohet nga gara dhe nga ekipi.
Mësohet se një kontroll i përditshëm do të kryhet brenda çdo ekipi dhe secili mjek është i detyruar të raportojë çdo problem në lidhje me ata.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
