Liverpool i tregon daljen 4 lojtarëve

 Zhgënjimi i humbjes së ndeshjes së parë çerekfinaliste kundër Real Madridit në Champions League vazhdon të penetrojë në memorien e trainerit Jurgen Klopp i cili ka theksuar se kjo sfidë ishte një ndër më të dobëtat e sezonit për Liverpoolin .  Kjo disfatë pasohet nga renditja e ‘’ The Redsave ‘’ në kampionat sepse pas 30 javësh të zhvilluara janë të 7-tët  , fakt që tregon se e kanë humbur totalisht ritmin e sezoneve pararendëse . Pjesëmarrja në Uefa Champions League mbetet një objektiv i vështirë për tu realizuar  për shkak se diferenca ndërmjet ekipeve që luftojnë për këtë objektiv është fare minimale. 

Për këtë arsye 53 vjeçari ka menduar riformatimin e gjigandëve të Premier Leagues duke filluar nga mosllogaritja e disa elementëve që nuk e kanë bindur gjatë sezonit aktual . Lista kryesohet nga  Adrian San Miguel .  Konkurrenca e ashpër me  Alisson Becker nuk është përballuar ashtu siç duhet nga spanjolli i cili  vijon të analizojë një të ardhme të mundshme me një rikthim në ‘’ Heliopolis ‘’ ,  pikërisht tek Real Betisi  ekip ku hodhi hapat e parë në drejtim të famës .

 Lista pasohet  nga mesfushori Georginio Wijnaldum .  Hollandezi përfshihet  në radarët e gjigandëve të Europës ndër të cilët mund të përmenden katalanasit e Barcelonës që nuk e kanë devijuar  për asnjë moment vëmëndjen nga progresi i 30 vjeçarit  sepse preferohet shumë nga  traineri dhe njëkohësisht bashkombasi i tij Ronald Koeman .  Oferta e bërë nga drejtuesit e anglezëve në adresë të mesfushorit nga Roterdami nuk i plotëson pritshmëritë e tij dhe  me shumë gjasa do ta shijojë të ardhmen larg ‘’ Anfield Road ‘’.

Së treti  është sulmuesi Xherdan Shaqiri . Prej kohësh zviceriani  e ka humbur ritmin me kampionët në fuqi të Premier Leagues  dhe krerët e klubit kanë deklaruar se janë të gatshëm ta shesin për shifrën e 15 milionë eurove  pavarësisht se  mbeten të paqartë në lidhje me klubin që do të marrë shërbimet e 29 vjeçarit sepse rroga  prej 4 milionë eurosh  mund të akordohet vetëm me  skuadrat e njohura  të Europës  .

Lista mbyllet me Divock  Origin . Belgu nuk  konsiderohet i domosdoshëm nga ish traineri i Borussia Dortmundit dhe  merkatoja e verës do t’ia pozicionojë vëmëndjen  Liverpoolit në dëgjimin e ofertave për ti krijuar të ardhmen e merituar 25 vjeçarit të lindur në Ostende  .  Shitja e lojtarëve të lartpërmendur do ti krijonte akumulimin e fondeve të mjaftueshme 19 herë kampionëve të Anglisë për të bërë ndërhyrjet e   duhura në merkaton verore  me objektivin e rikthimit sa më të fortë në sezonin vijues  drejt rrugës së përsëritjes së sukseseve të së kaluarës .