Everton cakton çmimin për Richarlison

 Fitorja e djeshme kundër Chelseat u konsiderua si frymëmarrje për Evertonin që po lufton për mbijetesën në Premier League .

Në ‘’ Goodison Park ‘’ situata është tejet serioze, e cila mund të ndikojë në largimin e lojtarëve të rëndësishëm gjatë merkatos .

Një ndër të preferuarit është  Richarlison , sulmues  për të cilin sipas ‘ Football Insider ‘ , ekipi nga Liverpooli ka vendosur çmimin dhe nuk janë të gatshëm të negociojnë për më pak se 50 milionë strërlina , afërsisht 59 milionë euro.

 Situata e vështirë e Evertonit mund të shënojë fundin e eksperiencës së një ndër sulmuesve më të rrezikshëm të Premier Leagues sepse pretendohet nga Manchester United dhe Paris St Germain që e kanë potencialin për ta blerë golashënuesin.

24 vjeçari nuk e shikon të ardhmen tek Evertoni sidomos pas performancës në sezonin aktual dhe ‘’ Djajtë e Kuq ‘’ dhe  ‘’ Les Pariziens ‘’ do të zhvillojnë një supersfidë mes tyre për një ndër lojtarët më premtues të kontinentit të vjetër .

 Anglezët s’kanë alternativë tjetër  veçse të luftojnë për të siguruar qëndrimin, ndërsa Richarlison mund të afrohet me titujt në të ardhmen , të cilët tek Evertoni i ka të pamundur .

9 gola dhe 4 asiste në 29 sfida e shëndërrojne në pikën referuese të repartit ofensiv por dyshimet për qëndrimin në elitën e futbollit anglez vijojnë të mbizotërojnë në ambjentin e ‘’ Bluve ‘’ dhe natyrisht ky realitet gjeneron një siklet të madh për Evertonin.