Vllaznia ka njoftuar ndryshime në postin e drejtorit sporti. Klubi ka bërë të ditur shkarkimin e Elvis Plorit, për shkak të rezultateve aspak pozitive të skuadrës këtë sezon.
Në postin e drejtorit sportiv, është emëruar Tefik Osmani. Ky i fundit u largua nga Tirana pak ditë më parë dhe nuk ka humbur kohë për të vendosur të ardhmen e tij, që tashmë do të jetë te Vllaznia.
NJOFTIMI I VLLAZNISË:
Klubi i Futbollit Vllaznia bën të ditur se ka arritur marrëveshjen për pozicionin e Drejtorit Sportiv pranë Klubit tonë me Tefik Osmani. Ai vjen mbas një përvoje të konsoliduar në menaxhimin sportiv, të suksesshme dhe plot trofe.
Me këtë rast klubi falënderon përpjekjet dhe përkushtimin e z. Elvis Plori për kontributin e tij të vazhdueshëm në klubin tonë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
