Dëshira për tu rikthyer në elitën e futbollit anglez dhe atij europian i ka vënë në lëvizje drejtuesit e Arsenalit në lidhje me merkaton e janarit.
Objektivi i ‘’ Topchinjve ‘’ është fitimi i Champions Leagues dhe sigurisht dominimi në Angli, në kompeticionet pjesëmarrëse.
Sulmi është reparti ku Mikel Arteta do të pretendojë përfocime dhe tanimë në mendjen e tij janë katër emra. I pari është Lautaro Martinez.
Argjentinasi preferohet nga spanjolli , i cili po lë gjurmë ndër vite me Interin dhe konsiderohet një sulmues ideal për objektivat e kryeqytetasve.
Edhe Victor Osimhen është një ndër emrat më të lakuar në kontinentin e vjetër, sulmues i cili kontriboi në suksesin e Napolit sezonin e shkuar .
Nigeriani e ka treguar se mund të dëmtojë çdo rival në repartin e avancuar, për të cilin natyrisht londinezët do të kenë një sfidë të ashpër përpara.
Bashkombasi Victor Boniface nuk mbetet prapa, i cili po zhvillon një sezon spektakolar me Bayer Leverkusenin.
16 gola dhe 8 asiste në 23 sfidat e fazës së parë të sezonit e shëndërrojnë në një ndër më të rrezikshmit në qarkullim dhe 13 herë kampionët e Premier Leagues vijojnë ta analizojnë me kujdes për fazën vendimtare të sezonit.
Momentalisht i preferuari i numrit një të stolit është Ivan Toney i Brentfordit. Anglezët kanë përcaktuar 100 milionë euro në sajë të kontributit të deritanishëm edhe pse kjo skuadër renditet në një pozicion jo komod në Premier League.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
