Prej shumë kohësh mesfushori Nabil Fekir është pretenduar Liverpooli por gjatë një interviste për ‘ Anfield Watch ‘ francezi ka zbuluar arsyen e vërtetë se pse nuk është bërë pjesë e ‘’ The Redsave ‘’.
Portali i famshëm britanik ka theksuar se operacioni në fjalë ishte praktikisht i mbyllur , fakt që u konfirmua edhe me mbledhjen me trainerin Jurgen Klopp por gjithçka ka marrë një tjetër rrjedhë për shkak të agjentit të Nabil Fekir i cili deklaroi se klienti i tij vuante një dëmtim në kavilje , histori që rezultoi e pavërtetë.
Megjithatë me kalimin e kohës 28 vjeçari ka arritur të adaptohet shumë mirë tek ‘’ Los Verdiblancos ‘’ dhe është shëndërruar në një ndër të preferuarit e Manuel Pellegrinit duke qënë tepër rezultativ për andaluzët. Me mbërritjen në ‘’ Benito Villamarin ‘’ ishi i Lyonit arriti ta kuptojë shumë mirë ideologjinë e teknikut kilian dhe tashmë konsiderohet një pjesë kyçe e projektit të përpiluar nga drejtuesit e spanjollëve me në krye 67 vjeçarin .
Një fakt tjetër i rëndësishëm është se Real Betis do të përfaqësohet në Uefa Europa League gjatë këtij sezoni dhe ruajtja e organikës konsiderohet një sukses më vete për Manuel Pellegrinin sepse janë këto lojtarë që i kanë mundësuar kësaj skuadre për të provuar veten në kompeticionin e dytë për nga rëndësia në Europë.
Ekseperienca e deritanishme e Nabil Fekir në Andaluzi i ka dhënë shansin për tu aktivizuar në 74 ndeshje , në të cilat ka gjetur 12 herë rrugën e rrjetës dhe ka shërbyer me 13 asiste duke e lartësuar figurën në çdo ndeshje .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
