Albi Doka ndryshon skuadër, transferohet në Hungari

Albi Doka ka ndryshuar skuadër, teksa është larguar nga Kroacia, për të vazhduar karrierën në kampionatin hungarez.

Mbrojtësi i djathtë është zyrtarizuar ditën e sotme te skuadra e Honved, ku do të luajë i huazuar deri në fund të sezonit.

Futbollisti i Shqipërisë, do të provojë të bindë drejtuesit e skuadrës së re, për ta blerë kartonin e tij në fund të sezonit, që zotërohet nga kroatët e Gorica.

Një lëvizje e papritur dhe surprizë kjo e Dokës, me mbrojtësin që kërkon të bjerë në sy në Hungari, për të bërë më pas një tjetër hap të rëndësishëm në karrierë.