Sheiku Mohammed Bin Salman i ka bërë një tjetër dhuratë Newcastle United në lidhje me merkaton . Miliarderi arab i ka vënë pikat mbi i duke vënë në dispozicion të trainerit Eddie Howe 300 milionë euro për të tentuar afrimin e lojtarëve që konsideron se mund të shërbejnë për ringritjen e bardhezinjve në fazën më vendimtare të sezonit .
Pavarësisht se janë të fundit në tabelë, mundësitë për të kthyer historinë në favorin e tyre janë të shumta sidomos me goditjet cilësore gjatë dimrit.
Sipas një interviste për të famshmen ‘ Amazon Prime Video ‘ ish mesfushori i mirënjohur Joe Cole e ka konfirmuar lajmin duke e bazuar në faktin se pronarët e rinj të Newcastle United nuk kanë mbërritur në ‘’ St James Park ‘’ për shëtitje por për ti nxjerrë nga gropa e thellë në të cilën kanë rënë anglezët .
Transferimet cilësore do të mbështeten në katër ose pesë lojtarë që mund të influencojnë në ndryshimin e situatës kaotike tek një skuadër të cilës i ka buzëqeshur fati pikërisht në momentin më të nevojshëm .
Disa nga lojtarët që janë përfshirë në planet e Eddie Howes janë Luka Jovic , Dusan Vlahovic dhe Osumane Dembele për të cilët e ardhmja në ekipet respektive konsiderohet skeptike .
Favori i madh i Newcastle United është se si asnjë tjetër kandidat do të ketë shansin të shpenzojë për çdo lojtar pa u kursyer sepse të qënit klubi më i pasur në botë ia jep këtë privilegj që mund të konvertohet në suksese të njëpasnjëshme në një të ardhme të afërt .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
