Vazhdojnë problemet me dëmtimet te skuadra e Milanit. Pas Rafael Leaos, që nuk luajti ndaj Interit në gjysmëfinale, kuqezinjtë kanë humbur edhe një tjetër titullar.
Bëhet fjalë për mesfushorin Ismael Bennacer. Ky i fundit u dëmtua ndaj zikaltërve dhe u largua nga fusha e lojës, pas vetëm 15 minutave.
Lojtari u largua me paterica nga stadiumi dhe pas analizave, ka zbuluar një dëmtim të rëndë në gjurin e djathtë. Algjeriani duhet që të premten ose të shtunën t’i nënshtrohet një ndërhyrjeje kirurgjikale duke humbur në këtë mënyrë pjesën e mbetur të sezonit dhe vetëm pas 3 muajsh, mund të rikthehet në fushë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
