Sulmuesi Serhou Guirassy është shëndërruar në një ndër më të mirët e Stuttgartit në javët e para të Bundesligës, i cili ka kontribuar në sukseset e gjermanëve, skuadër që momentalisht renditet e dyta në tabelë. Golashënuesi nga Arles ka mbrojtur ngjyrat e disa skuadrave modeste gjatë karrierës, si Laval, Lille , Koln, Auxurre , Amiens dhe Rennes dhe tek Stuttgart po përjeton një ndër eksperiencat më të suksesshme. Interesi i ekipeve me emër nuk ka vonuar dhe Interi tanimë ka ndezur motorrët për Serhou Guirassy pasi konsiderohet ideali nga Simone Inzaghi në metrat e fundit. Megjithatë, zikaltërit nuk do të jenë të vetmit pretendentë për shërbimet e 27 vjeçarit, për të cilin do të zhvillohet një sfidë e ashpër gjatë merkatos së verës. Deri më tani shtatlarti i sulmit numëron 11 gola dhe 2 asiste në 7 sfida dhe ndoshta mund të shëndërrohet një ndër protagonistët gjatë kësaj periudhe.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
