Ferhan Hasani largohet zyrtarisht nga Partizani. Ka qenë vetë klubi i kuq, që nëpërmjet faqes zyrtare, ka njoftuar mbylljen e bashkëpunimit me futbollistin.
Kështu aventura e 31-vjeçarit zgjat vetëm 6 muaj të Partizani, aty ku hapësirat për të ishin të pakta, kjo edhe për shkak të dëmtimit.
Hasani del lojtar i lirë dhe është në kërkim të një skuadre të re për të vazhduar karrierën e tij futbollistike.
“Partizani njofton përfundimin e bashkëpunimit me Ferhan Hasanin. Mesfushori i njohur 31 vjeçar dhe drejtuesit e klubit kanë vendosur sot të ndërpresin me mirëkuptim bashkëpunim teknik midis palëve. Klubi dëshiron të falënderoj Ferhan Hasanin për kontributin e dhënë me fanellën e kuqe, si dhe për krenarinë që na dhuroj si lojtari i parë që debutoj nga kategoria superiore në finalet e një kompeticioni madhor (EURO 2020) përfaqësues i klubit Partizani.”, shkruhet në komunikatën e klubit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
