Disfata e djeshme në Izrael kundër Maccabi Haifas pothuajse ja ka shuar shpresat Juventusit për të avancuar për më tej .
Ky sezon konsiderohet ndër më të dështuarit e ‘’ Zonjës së Vjetër ‘’ në lidhje me Champions Leaguen dhe tanimë torinezët kanë filluar të mendojnë për largimet gjatë merkatos .
Adrien Rabiot besohet se do të jetë një ndër lojtarët që s’do të bëjë më pjesë në planet e Massimiliano Allegrit dhe Paris St Germain shikohet si destinacioni i ardhshëm i 27 vjeçarit.
Rroga e lartë e Adrien Rabiot është një tjetër motiv për ta larguar nga Torino duke qenë se negociatat për rinovimin nuk kanë avancuar me sukses dhe situata kritike e ish rekordmenëve të Scudettos patjetër nxjerr në pah ulje -ngritjet e lojtarëve .
Eksperienca e ishi-t të Paris St Germain me juventinët merr fund në qershorin e 2023-shit por me lojën e zhvilluar nuk ka mundur ta bindë Massimiliano Allegrin , i cili po përjeton një fillim sezoni , ndër më negativët gjatë eksperiencës tek kjo skuadër .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
