Mevlan Adili u ndëshkua me karton të kuq në sfidën e Vllaznisë me Skënderbeun, pas një debati me mbrojtësin kundërshtar, Vangjel Zguro, por edhe trajnerin Memelli.
Lidhur me këtë incident ka reaguar edhe kapiteni i Vllaznisë, Erdenis Gurishta, i cili e ka konsideruar si një veprim të ulët provokimin e Zguros, duke zbuluar se Adili është ofenduar nga familja.
“Veprim i ulët për të ndal Vllazninë. Është e pashpjegueshme se si disa lojtarë “profesionistë” arrijnë të provokojnë deri në ofendimet më të ulta dhe më të pista vetëm e vetëm për të ndal Vllazninë sepse këtë e shohin mundësinë e vetme për t’i marrë pikë. Në fund të fundit jemi njerëz dhe kemi ndjenja dhe kur shohim që na ofendohet familja, reagojmë dhe dalim nga vetja! Është e pashpjegueshme sepse këto ofendime vijnë gjatë gjithë ndeshjes në sytë dhe në veshët e arbitrit dhe ka asnjë ndëshkim, ndërsa kur lojtari jonë reagon atëherë vjen ndëshkim.
E gëzofshi pikën, por mos harroni por mos harroni që në fund të fundit veprime dhe padrejtësi të tilla vetëm më të fortë na bëjnë”, shkruan Gurishta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
