Ish-lojtari i Real Madrid, Freddy Rincon ka ndërruar jetë mëngjesin e sotëm. Kolumbiani pësoi një aksident të frikshëm pak ditë më parë dhe sot ka ndërruar jetë.
55-vjeçari ishte duke udhëtuar më makinën e tij në Cali në Kolumbi, kur u përplas me një autobus. Pavarësisht përpjekjes së mjekëve për ta mbajtur në jetë, Rincon nuk ia doli dot.
“Pavarësisht të gjitha përpjekjeve të ekipeve tona, Freddy Eusebio Rincon Valencia ka ndërruar jetë”, tha Laureano Quintero, drejtori mjekësor i Klinikës Imbanaco në Cali.
Gjatë karrierës së tij, Rincon luajti për klube si Real Madrid, Napoli, Palmeiras dhe Santos, si dhe udhëhoqi Corinthians drejt fitores në 2000 në Kampionatin e parë Botëror të Klubeve FIFA.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
