Largimi i Raphael Varanes tek Manchester United ka lënë një boshllëk të madh në prapavijën e Real Madridit . ‘’ Galaktikët ‘’ e Carlo Ancelottit janë duke i bërë me kujdes llogaritë për sezonin e ardhshëm në të cilin do të synojnë rikthimin tek epoka e artë por për të arritur objektivin madhor duhen përforcime cilësore. Ideja e kryeqytetasve është gjetja e menjëhershme e zëvëndësuesit të francezit dhe për këtë arsye kanë hedhur sytë tek Leicester City .
Flitet për bashkombasin Wesley Fofana , mbrojtës që konsiderohet një ndër perlat e të ardhmes . Puna e palodhur e 20 vjeçarit i ka dhënë shansin të jetë titullar i padiskutueshëm në skemat e Brendan Rodgers dhe sipas L’ Equipe traineri italian është shumë i interesuar për ta transferuar në ‘’ Santiago Bernabeu ‘’.
Karakteristikat e francezit vlerësohen shumë nga ‘’ Los Blancos ‘’ sepse është shumë efektiv në luftën në ajër për shkak të gjatësisë 1.90 metra dhe gjithashtu specialistët e futbollit e kanë konsideruar si një ndër mbrojtësit e të ardhmes . Megjithatë duke qenë se janë shumë të ndërgjegjshëm për vlerat që mbart Wesley Fofana , ‘’ The Foxes ‘’ kanë përcaktuar 80 milionë euro për largimin nga ‘’ King Power ‘’ , shifër që në këto kohë pandemie rezulton e papërballueshme për xhepat e manjatit Florentino Perez .
Ideja parësore e spanjollit është mbledhja e fondeve të mjaftueshme për të firmosur me Kylian Mbappe dhe është gati e pamundur që të bëjnë një investim të tillë. Ky fakt nuk evidenton dorëheqjen e ‘’ Los Merengues ‘’ për një ndër nxënësit shembullorë të Brendan Rodgers dhe jep për të kuptuar se tratativat e Real Madridit për ta transferuar në kryeqytetin spanjoll do të shtohen .
Wesley Fofana e finalizoi sezonin me 38 ndeshje në të cilat diti të spikasë në një kampionat me një koefiçent të lartë vështirësie si Premier League dhe duke filluar nga sezoni vijues do të ketë shansin për të vijuar në rrugën e suksesit edhe në Uefa Europa League ose ndoshta në një ndër klubet më të famshëm në planet .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
