Transferimi i Marcos Alonsos nga Chelsea tek Barcelona nuk ka rezultuar një goditje e qëlluar në shenjë nga drejtuesit e spanjollëve. Objektivi i katalanasve vijon të jetë përforcimi i arkave dhe reduktimi i pagave dhe mesa duket e ardhmja e mbrojtësit do të jetë larg ‘’ Camp Nout ‘’, duke qenë se ende nuk e ka arritur akordin për rinovimin e kontratës. Për këtë arsye drejtuesit e kuq e bluve janë në pritje të ofertave për 32 vjeçarin madrilen, i cili në sezonin e shkuar u aktivizua në 37 sfida dhe gjeti në tre raste rrugën e rrjetës. Rendimenti i vakët , sidomos tek skuadrat e elitës, në rastin konkret tek Barcelona konsiderohet i pafalshëm pasi në çdo sezon synojnë të jenë protagoniste absolute në kompeticionet pjesëmarrëse.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
