Sulmuesi Ousmane Dembele u shëndërrua në heroin e Barcelonës në fitoren minimale mbrëmjen e djeshme me shifrat 1-0 kundër Real Valladolid . Me 3 pikëshin e marrë katalanasit renditen vetëm 1 pikë larg Atletico Madridit dhe janë futur seriozisht në luftë për të fituar Primera Division.
Paraqitjet mbresëlënëse të francezit theksojnë se ky është një ndër sezonet më të suksesshëm në gjirin e kuq e bluve , element që me siguri do ta impulsojë Joan Laportan për të mbyllur përfundimisht çështjen e rinovimit me 23 vjeçarin për të cilin kontrata aktuale me ‘’ Los Cules ‘’ merr fund në 30 qershorin e 2022-it .
Investimi 135 milionësh për sulmuesin e lindur në Vermon në merkaton verore të 2017- tës pak e nga pak po fillon të justifikohet por e ardhmja në ‘’ Camp Nou ‘’ mbetet skeptike . Qëllimi i ‘’ Blaugranëve ‘’ është analiza e thellë e kësaj situate sepse talenti i Ousmane Dembeles mund të shëndërrohet në një kontribut të vyer në të ardhmen .
Sipas zërave të fundit që kanë qarkulluar në kampin e 26 herë kampionëve të Primera Division ndeshjet vijuese do të përcaktojnë më qartë të ardhmen në Katalunjë sepse hapat e bërë gjatë kohëve të fundit kanë rezultuar shpresëdhënës dhe i kanë rindezur motorrët drejt luftës për fitimin e La Ligas për arsye se distanca me kryesuesit e Atletico Madridit tashmë është vetëm 1 pikë dhe pavarësisht se kanë mbetur edhe 9 javë për tu zhvilluar , vëmëndja e tyre do të fokusohet edhe në finalen e Kupës së Mbretit kundër Athletic Bilbaos e parashikuar të zhvillohet në datën 17 prill .
Progresi i talentit të kombëtares ‘’ Trikolor ‘’ është shoqëruar me 36 ndeshje , 10 gola dhe 4 asiste për shokët e skuadrës , statistika që me shumë gjasa do të kenë një tjetër histori në vazhdimësi .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
