Uellsiani Gareth Bale i ka orët e numëruara në ‘’ White Hart Lane ‘’. Huazimi tek londinezët i ka shërbyer për të rikuperuar protagonizmin e humbur dhe po bëhet gati për tu rikthyer tek Real Madridi. Megjithatë aktualisht po përjeton një rini të dytë tek ‘’ Spursat ‘’ dhe këta të fundit kanë deklaruar se kërkojnë qëndrimin e 31 vjeçarit në Londër . Zërat e shumtë mbeten në ajër sepse sipas ‘’ As ‘’ nuk ekziston asnjë klauzolë e firmosur nga palët në fjalë për huazimin e Gareth Bale edhe për një vit tek Tottenham Hotspur , çështje që e favorizon rikthimin e shumëpritur në ‘’ Santiago Bernabeu ‘’.
Në rastin e kundërt nëse ‘’ The Whites ‘’ pretendojnë qëndrimin e sulmuesit nga Kardifi do ti duhej të startonin edhe një herë negociatat për të bindur spanjollët. Kontrata e yllit të Tottenhamit me Real Madridin përfundon në 2022-shin por momentalisht është në pritje të përfundimit të La Ligas për të patur një panoramë më të qartë për më tej . Aktualisht tek ‘’ Los Blancos ‘’ po përjetohet një revolucion i madh sepse disfata e pësuar në Champions League e ka vënë në qëndër të kritikave trainerin Zinedine Zidane e ardhmja e të cilit është lidhur përsëri me një kalim tek Juventusi .
Nëse konkretizohet largimi i ‘’ Zizou ‘’ për Gareth Bale do të hapej rruga për rikthimin tek spanjollët . Adaptimi i shpejtë në Premier League pas shumë vitesh mungesë i ka shërbyer sulmuesit shtatlartë për të rritur rendimentin të cilin e ka kanalizuar në 29 ndeshje , 14 gola dhe 3 asiste gjatë këtij sezoni , statistika që i krijojnë shansin për të qënë më produktiv në të ardhmen .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
