Rindërtimi i Barcelonës vijon të jetë një ndër objektivat kryesorë të Joan Laportas.
Së fundmi numri një i presidencës arriti marrëveshjen me Hansi Flickun, një trainer i cili synon rikthimin e kuq e bluve tek titujt.
Gjermanin e pret një sfide e vështirë për arsye se presioni tek katalanasit është shumë i madh, trainer i cili triumfoi me Bayern Munchenin në të kaluarën.
Reparti i ofensivës po merr shumë vëmëndje dhe në listën e trainerit 59 vjeçar është shtuar emri i Ayoze Perez. Golashënuesi i Real Betisit prej dy sezonesh ka impresionuar në La Liga, për të cilin kanë treguar interes edhe të tjerë ekipe.
Megjithatë, ashtu siç raporton ‘ Mundodeportivo ‘, transferimi i ishi-t të Newcastle United nuk konsiderohet prioritet por natyrisht vlera e kartonit prej 4 milionë eurosh është një avantazh për Barcelonën.
30 vjeçari mban një eksperiencë të konsiderushme mbi supe, edhe pse me ekipe të dorës së dytë, i cili është grumbulluar nga Luis de la Fuentes për Europianin e Gjermanisë.
Ky eveniment jo vetëm Ayoze Perezit por edhe çdo lojtari i shërben për të rritur vlerën në treg, njëkohësisht do të jetë një privilegj për arsye se përfaqësojnë shtetet e tyre.
Nxënësi i Manuel Pellegrinit i ndihmoi andaluzët me 11 gola dhe 2 asiste në 38 sfida në sezonin e shkuar, statistika të cilat janë pasuar nga interesi i një klubi shumë të madh siç janë të ashtuquajturit ‘’ Blaugranët ‘’.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
