Napoli ka regjistruar fitoren e shtatë radhazi në Serie A, në po kaq ndeshje të zhvilluara këtë sezon.
Skuadra e Spallettit mposhti me përmbysje ditën e sotme Fiorentinën, me rezultatin 1-2. Quarta i dha avantazhin skuadrës nga Firence në minutën e 28-të, ndërsa napolitanët nuk u dorëzuan dhe përmbysën rezultatin.
Fillimisht ishte Lozano, i cili shënoi në minutën e 39-të, ndërsa në minutën e 50-të, mbrojtësi i Kosovës, Amir Rrahmani shënoi golin e fitores. Kështu pas 7 javëve të para, Napoli kryeson renditjen me pikë të plota, ndërsa Fiorentina mban vendin e 5-të me 12 pikë.
Fitore ka korrur edhe Roma, që mposhti me rezultatin 2-0 Empolin. Verdhekuqtë u rikthyen te triumfi në kampionat dhe këtë e bënë falë golave të Pellegrini në minutën e 42-të dhe Mkitaryan në minutën e 48-të.
RENDITJA:
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
