Mungesa e minutave tek Paris St Germain, e ka vënë ndjeshëm në dyshim qëndrimin e Arnau Tenas.
Spanjolli sipas L’Equipe synon më tepër minuta, një objektiv shumë i vështirë për tu arrirë në ‘’ Parque de Princes ‘’.
Pavarësisht se Luis Enrique e konsideron një vlerë të shtuar tek francezët, nuk përjashtohet huazimi me opsionin e blerjes së kartonit të 22 vjeçarit gjatë merkatos së verës.
Ishi i Barcelonës shikohet si një kandidat potencial për të përfaqësuar Spanjën në të ardhmen por fillimisht duhet të aktivizohet rregullisht për të fituar eksperiencën e duhur poshtë tre shtyllave.
Largimi nga Paris St Germain natyrisht do të konsiderohej një sukses për Arnau Tenas, por drejtuesit mendojnë të përfshijnë një klauzolë e cila i jep të drejtën e rikthimit tek kjo skuadër në momentin që do të preferohet nga i ashtuquajturi ‘’ Lucho ‘’.
Katalanasi është grumbulluar edhe me ekipin e parë të Spanjës në të kaluarën, ekzaktësisht në miqësoren kundër Shqipërisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
