Partizani ka zyrtarizuar afrimin e radhës në skuadër ditën e sotme. Bëhet fjalë për mbrojtësin sllovak, Jozef Menish.
Ky i fundit aktivizohet në qendër të mbrojtjes dhe ka firmosur për dy sezone me të kuqtë.
Në të kaluarën, Menish është aktivizuar me disa skuadfra në kampionatin sllovak, si Spartak Trnava, Ruzhomberok dhe së fundmi te Zlate Moravce.
Njoftimi i klubit:
Partizani me kënaqësi njofton arritjen e marrëveshjes me Jozef Menish. Mbrojtësi sllovak bashkohet me të kuqtë pas eksperiencave në elitën e futbollit Sllovak me skuadrat e Spartak Trnava, Ruzhomberok dhe së fundmi te Zlate Moravce.
Qendërmbrojtësi 27 vjeçar do të jetë pjesë e 16-të herë kampionëve të Shqipërisë për dy sezonet e ardhshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
