Eksperienca e Granit Xhakës me Arsenalin , sidomos në dy sezonet e fundit e ka shëndërruar në një ndër më të rëndësishmit në ekipin e Mikel Artetas.
Tashmë kapiteni i ‘’ Topchinjve ‘’ po tentohet në merkato dhe sipas ‘ Calciomercatos ‘ , Juventusi dhe Roma kërkojnë ta largojnë nga ‘’ Emirates ‘’.
‘’ Verdhekuqtë ‘’ janë interesuar për 30 vjeçarin edhe më përpara por londinezët janë kundërpërgjigjur duke e deklaruar të pashitshëm ishi-n e Bazelit.
‘’ The Gunners ‘’ po avancojnë në Premier League dhe Europa League dhe sigurisht elementët cilësorë kanë filluar të spikasin më tepër me kalimin e ndeshjeve.
Të jesh kapiteni i një ekipi elite në Angli është një përgjegjësi shumë e madhe dhe njëkohësisht një meritë dhe drejtuesit e Arsenalit shpresojnë arritjen e këtij objektivi shumë të rëndësishëm për vijimësinë.
Përkushtimi dhe sakrificat e Granit Xhakës i kanë dhënë rezultatet por sigurisht e ardhmja parashikohet tepër kompetitive dhe qëndrimi në këto nivele mbetet prioritet për të gjithë komponentët e Arsenalit.
Juventusi dhe Roma konsiderohen ekipe shumë cilësore në Itali dhe më gjerë pavarësisht se ‘’ Zonja e Vjetër ‘’ s’pati fat në Champions League në sezonin aktual sepse nuk arriti të kualifikohej për në fazën me eleminim direkt , ndërsa ‘’ Verdhekuqtë ‘’ ende luftojnë për kalimin për më tej në Europa League .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
