Nedim Bajrami është zyrtarisht lojtari më i ri i Sassuolos. Fantazisti shqiptar ka kaluar me sukses vizitat mjekësore dhe të mërkurën do të fillojë stërvitjen me skuadrën e re.
Arritjen e marrëveshjes, e ka konfirmuar vetë lojtari, në një prononcim të shkurtër, dhënë për mediat italiane.
Jam shumë i lumtur, gjithçka mund të konsiderohet e mbyllur dhe të mërkurën do të bashkohem me skuadrën e re. Jam këtu edhe prej trajnerit Dionisi, kemi folur së fundmi dhe jam shumë i lumtur që e rigjej sërish.
Gjithashtu, kam folur edhe me shokët e rinj të skuadrës, disa prej tyre i njoh. Një prej tyre është Pinamonti me të cilin kam luajtur në sezonin e fundit.
23-vjeçari largohet kështu nga Empoli, pjesë e të cilëve ishte nga viti 2019 dhe tashmë do të vazhdojë karrierën sërish në Serie A, por këtë herë me fanellën e Sassuolo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
