Armando Broja rinovoi kontratën e tij me Chelsea ditën e djeshme deri në vitin 2026. Sulmuesi i Shqipërisë u shfaq shumë i lumtur për këtë, duke thënë se shpreson që të lërë gjurmë në të ardhmen.
“Jam shumë i entuziazmuar që po firmos një kontratë të re me Chelsea. Meqë jam rritur në akademinë këtu, ishte një moment special kur debutova me ekipin e parë në vitin e kaluar, para se të fitoja më shumë eksperiencë në huazim te Vitesse në sezonin e kaluar. Dua të vazhdoj në këto baza dhe pres me padurim të bëj progres dhe të lë gjurmë te Chelsea në vitet në vijim”, ishin fjalët e para të Brojës pas rinovimit.
Kujtojmë se në sezonin e fundit futbollisti luajti i huazuar te Vitesse, me të cilët zhvilloi 34 ndeshje dhe arriti të shënojë 11 gola.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
