Kristi Vangjeli, mbrojtësi i Tiranës, humbi sot në moshën 37-vjeçare vëllanë e tij Pavlo, i cili jetonte në Greqi. Ashtu si i vëllai edhe Pavlo ishte futbollist, ndërsa së fundmi edhe trajner. Ai u nda nga jeta për shkak të një sëmundje të rëndë, ndërsa dhimbja është e madhe për mbrojtësin i Tiranës.
Në një postim të dedikuar vëllait Vangjeli thotë se pavarësisht se humbi luftën Pavlo ishte luftëtar.
“I dashuri im, paç një rrugë të sigurt! Mbështetja ime, nuk mund ta besoj që të humba kaq shpejt. Sëmundja e rëndë të mposhti ty, por ti nuk u dorëzove asnjëherë. Ishe një luftëtar i madh. Të dua shumë unë dhe engjëjt tanë,”- shkruan mbrojtësi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
