Trajneri i Skënderbeut, Ivan Gvozdenovic, foli për MCN TV, pas humbjes ndaj Tiranës.
Tekniku i korçarëve, uroi kundërshtarin për fitoren, ndërsa sqaroi edhe arsyen e largimit të dy sulmuesve.
Duam ta urojmë Tiranën për fitoren. Janë skuadër e mirë dhe me kualitete. Ne kërkuam ta fitonim ndeshjen me çdo kusht. Ishim në ekuilibër në pjesën e parë. Në pjesën e dytë ndërruam skemën 4-3-3 dhe Tirana ia doli të fitojë me kualitet.
Zëvendësimi i dy sulmuesve? Nikaj shfaqi lodhje, sepse ishte me skuadrën e Shpresave. Maksimumi 60 minuta ishte për lojë, erdhi vetëm të martën. Rashica është lojtar shumë i mirë dhe shpenzoi shumë energji. Mendova të rifreskoj ekipin dhe të shtonim shpejtësinë.
Pecani është lojtarë i mirë dhe ishte me U-21 dhe mund të bënte pak më mirë. Me Likën dhe Fletcher jam i kënaqur. Nuk kemi fituar shumë nga lojtarët e pankinës në këtë javë të tretë, kjo është një minus për ne, por mund të përmirësohemi.
Deri të goli i dytë i Tiranës, ishim mirë. Ishim në ekuilibër. Pas kësaj, e dija që do bëhej më e vështirë, sepse Tirana ka eksperiencë dhe kualitete. Nuk jam i kënaqur me rezultatin, por nga kjo ndeshje do mësojmë shumë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
