
Konsolidimi si titullar tek Real Betisi e ka favorizuar vijimësinë e Ez Abdes.
Marokeni ka ditur të përshtatet në skemat e Manuel Pellegrinit dhe i ka ndihmuar andaluzët në repartin e ofensivës.
Së fundmi 24 vjeçari ka hedhur një tjetër hap të rëndësishëm i cili preferon qëndrimin në ‘’ Benito Villamarin ‘’.
Zërave për një kalim tek Paris St Germain i ka dhënë fund agjenti i tij Alejandro Camano pasi kërkohej me ngulm nga Luis Enrique pas dëmtimit të Kvicha Kvaratskhelias.
Edhe njëherë me këtë vendim kuptohet qartazi se në futboll diferencën e bën adaptimi i lojtarëve në mënyrën e duhur tek ekipet përkatëse dhe në të shumtën e rasteve aspekti ekonomik lihet në plan të dytë.
Kontrata ishi-t të Barcelonës i përfundon në qershorin e 2029-tës dhe falë kontributit të dhënë klauzola e prishjes së saj aktualisht i arrin 60 milionë eurot.
Ekstremi ka deklaruar në disa raste se ndihet komod tek Real Betisi i cili parashikohet se do ti qëndrojë besnik edhe në të ardhmen e afërt.
