Talenti korçar, Jorgo Pëllumbi ka vendosur të rikthehet në Abissnet Superiore deri në fund të kampionatit aktual.
MCN zbulon ekskluzivisht se 21-vjeçari për pjesën e mbetur të kampionatit, do të jetë pjesë e Kukësit. Ka qenë dëshira e Longos, i cili ia kishte bërë kërkesën drejtuesve për një mbrojtës dhe pas disa ditëve bisedime, palët kanë rënë dakord që Pëllumbi të kalojë te verilindorët në huazim nga kroatët e Varazdin, që zotërojnë kartonin e lojtarit.
Pëllumbi, i cili është edhe kapiten i Shpresave, e njeh mirë kampionatin shqiptar, për shkak se para kalimit në Kroaci, kishte shkëlqyer me Skënderbeun.
Përveç Kukësit, në Shqipëri interes për mbrojtësin kishin shfaqur edhe Vllaznia, Teuta e Dinamo, por në fund verilindorët arritën një marrëveshje me lojtarin, i cili pritet të zyrtarizohet sot.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
