Me shumë gjasa përfundimi i sezonit aktual do të jetë i fundit në ‘’ Camp Nou ‘’ .
Prej kohësh mesfushori nuk bën pjesë në planet e Xavi Hernandezit dhe nga ky fakt do të tentojë të përfitojë Tottenhami.
Sipas informacioneve të fundit ‘’ Gjelat e Londrës ‘’ besohet se do ti startojnë negociatat me katalanasit në ditët e ardhshme dhe parashikohet një ofertë prej 30 milionë eurosh për ishi-n e Milanit.
Traineri Antonio Conte vijon të besojë tek aftësitë e afrikanit, pavarësisht se numri një i pankinës së kuq e bluve e ka anashkaluar duke i dhënë prioritet lojtarëve të tjerë.
Me kalimin tek ‘’ Blaugranët ‘’ në verën e kaluar u mendua se Franck Kessie mund të rezultonte determinant në 11-shen e ish kampionit të botës dhe Europës por faktet tregojnë të kundërtën dhe për sa i përket sezonit aktual numëron 1191 minuta lojë , të cilat nuk e kanë bindur aspak Xavi Hernandezin.
Interesi i ‘’ Spursave ‘’ besohet se do të marrë vëmëndjen maksimale nga 26 vjeçari dhe transferimi i mundshëm në ‘’ White Hart Lane ‘’ mund ti shërbejë për të rikuperuar terrenin e humbur tek kryesuesit momentalë të La Ligas.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
