Mourinho pëlqen Rui Patricion

 Cdo ditë bëhet edhe më e përcaktuese  për  Romën . Me transferimin e Jose Mourinhos ‘’ Verdhekuqtë ‘’ kanë ndryshuar perspektivën dhe luzitani po e  dëshmon shumë mirë këtë gjë . Tratativat për të patur një skuadër kompetitive sapo kanë filluar  dhe intensiteti i tyre shtohet me hapa galopantë.   ‘’ The Special One ‘’ është rikthyer në Premier League dhe ka deklaruar   emrin e portierit  Rui Patricio.  Portugezi  ka bërë një punë për tu duartrokitur  tek Wolverhampton në sezonet e fundit dhe është një kandidat potencial për tu vënë poshtë tre shtyllave  .

  Sipas raportimeve të  Calciomercatos kjo tentativë s’do të jetë e lehtë sepse 33 vjeçari është një lojtar i paprekshëm për Nuno Espirito Santo-n .  Me një kontratë e cila do ta ketë stacionin final në 30 qershorin e 2022- shit Wolverhampton ndodhet midis dy zjarresh sepse nëse e shtyn më shumë qëndrimin e Rui Patricios në ‘’ Molineux Stadium ‘’ mund të rrezikojë humbjen e gardianit me parametra zero.  Motivi i Romës është forcuar  me afirmimin e Jose Mourinhos  i cili do të kërkojë të jetë protagonist absolut sepse lëvizjet e deritanishme  nuk krijojnë tjetër panoramë .  Rui Patricio është një portier me shumë eksperiencë dhe pjesën më të madhe të karrierës e ka kaluar tek Sportingu i Lisbonës , skuadër në të cilën mbetet një ikonë .  

Parashikimet tregojnë se kjo pistë do t’ia lërë stafetën shumë të tjerave deri në fundin e merkatos , fakt që evidenton se tek kryeqytetasit zhvillimet do të jenë akoma më intensive me objektivin e hyrjes përsëri në historinë e Serisë A dhe më gjerë .

Luzitani është një trainer i shumë provuar në Scudetto me Interin me të cilin ka thyer çdo kundërshtar që i ka dalë përpara  dhe të njëjtën gjë kërkon ta bëjë edhe me Romën e cila në terma të përgjithshëm është një skuadër shumë kompetitive por i duhet një marsh më tepër për tu pozicionuar si kandidate  për fitimin e titujve të rëndësishëm .