Shqipëria luan miqësoren e radhës duke filluar nga ora 20:15, teksa përballet me Republikën Çeke. Pas barazimit me Uellsin, kuqezinjtë e Edoardo Rejës do të kërkojnë fitoren. Për sa i përket formacioneve, trajneri ka bërë disa ndryshime, përveç modulit, që mbetet i njëjti 3-5-2.
Në krahët e mbrojtjes janë Veseli në të djathtë dhe Trashi në të majtë, ndryshe nga hera e fundit kur ishin Doka dhe Lenjani.
Në mesfushë e nis titullar, Sherif Kallaku, i cili vendoset në krahë të kapitenit Amir Abrashi dhe Keidi Bares. Për sulmin, trajneri i kuqezinjve ka rikthyer të zakonshmit, Manaj dhe Cikalleshi. Konfirmohen titullarë njëjtë si në ndeshjen me Uellsin, Selmani në portë dhe Ismajli, Gjimshiti me Kumbullën në mbrojtje.
FORMACIONET ZYRTARE:
ÇEKIA (4-2-3-1): Vaclik, Coufal, Celutska, Kalas, Boril, Kral, Soucek, Masopust, Darida, Jankto, Schick.
SHQIPËRIA (3-5-2): Selmani; Ismajli, Gjimshiti, Kumbulla; Veseli, Abrashi, Bare, Kallaku, Trashi; Cikalleshi, Manaj . Trajneri: Edy Reja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
