Pas shumë sezonesh në kontinentin e vjetër, duket se e ardhmja e Leandro Paredes vijon të jetë e lidhur ngusht me Argjentinën.
Mesfushori ishte pjesë e Boca Juniorsit në të shkuarën, skuadër me të cilën hodhi hapat drejt suksesit.
Flitet se 30 vjeçari ka arritur marrëveshjen me drejtuesit e ‘’ Los Xeneizes ‘’ për tu rikthyer në ‘’ La Bombonera ‘’, tek kjo skuadër, ndër më cilësoret në Amerikën e Jugut.
Eksperienca e akumuluar në Europë, fillimisht në ekipet e dorës së dytë si Chievo Verona, Empoli dhe më pas tek Zeniti, Roma, Paris St Germain dhe Juventusi e kanë ndihmuar të avancojë në karrierë dhe të jetë shumë i rëndësishëm edhe në kombëtaren ‘’ Albiceleste ‘’.
Në kohët e fundit kryeqytetasit kanë hasur vështirësi pikërisht në repartin e mesfushës dhe rikthimi i Leandro Paredesit mund ta ndryshojë historinë në vijimësi.
S’duhet harruar se presioni tek Boca Juniors është shumë i madh pasi pretendohet protagonizmi në kampionat ashtu edhe në Champions Leaguen e Amerikës së Jugut, të quajtur ndryshe Kupa Santander Libertadores.
Ekspertët parashikojnë se zyrtarizimi mund të bëhet gjatë javës vijuese, i cili pas shumë vitesh suksesi do të rikthehet aty ku u bë i famshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
