Me Ronald Koeman në fije të perit , presidenti Joan Laporta ka filluar të analizojë emrat që mund ta nxjerrin nga balta Barcelonën. Presidenti i katalanasve është kthyer mbrapa në kohë dhe ka vlerësuar një ndër legjendat e ‘’ Los Cules ‘’ si Xavi Hernandez i cili vjen pas një periudhe të suksesshme tek Al- Saad .
Eksperienca në ligën e Katarit i ka shërbyer për ta njohur më thellësisht profesionin e trainerit dhe sipas Mundodeportivos është një ndër opsionet e preferuara të Joan Laportas jo vetëm për kontributin e dhënë në të kaluarën por gjithashtu për sukseset e arritura në pankinë .
Një aspekt që e favorizon ish mesfushorin e mirënjohur janë marrëdhëniet e shkëlqyera me krerët e Al – Saad të cilët janë shprehur të gatshëm të respektojnë çdo vendim të 41 vjeçarit.
Periudha e zgjedhjeve tek ‘’ Blaugranët ‘’ u konsiderua një moment historik dhe shumë kandidatë e vlerësuan maksimalisht figurën e ish kampionit të Europës dhe botës me Spanjën për të marrë në dorë fatet e kuq e bluve .
Për më tepër një rikthim i mundshëm i Xavi Hernandez në ‘’ Camp Nou ‘’ do të konsiderohej i veçantë për arsye se vijon të jetë një idhull i padiskutueshëm për tifozerinë e zjarrtë të ‘’ Blaugranëve ‘’ dhe një ndër komponentët kyç në sukseset e të kaluarës .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
