Prej disa sezonesh me rradhë Alexander Isak është pretenduar gjatë merkatove nga ekipet e elitës.
Suedezi është përmirësuar në çdo aspekt me kalimin e kohës, për të cilin po lufton edhe Paris St Germain.
‘’ Les Pariziens ‘’ synojnë në çdo sezon fitimin e titujve të rëndësishëm, kryesisht atë të Champions Leagues, të cilët nën drejtimin e Luis Enriques e kanë filluar ashtu siç duhet aktualin, si në Francë ashtu edhe në kompeticionin më prestigjoz europian për klube.
Në lidhje me ‘’ Las Urracas ‘’ duhet evidentuar se tashmë drejtuesit e kanë përcaktuar çmimin për golashënuesin duke patur parasysh se bëhet fjalë për një ekip shumë potent në aspektin ekonomik.
Pavarësisht kontratës me bardhezinjtë, e cila finalizon në 2028-tën, flitet se oferta e sheikut nga Katari do ti arrijë 100 milionë eurot dhe klubi më i pasur i botës momentalisht do të përfitonte në rastin e shitjes së Alexander Isak, i transferuar në të kaluarën në ‘’ St James Park ‘’ për shifrën e 70 milionë eurove, asokohe pjesë e Real Sociedadit.
Kapaciteti në metrat e fundit e ka shëndërruar në një ndër sulmuesit më të rrezikshëm në Europë, determinant edhe tek ekipi nga San Sebastian, mjaft i vlerësuar nga i ashtuquajturi ‘’ El Lucho ‘’.
Nëse i referohemi lojës së fituesve në fuqi të Ligue 1, kalimi i Alexander Isak në ‘’ Parque de Prince ‘’ do të ishte një goditje shumë cilësore në merkato, karriera e të cilit mund të ndryshojë në çdo aspekt.
Nxënësi i Eddie Howe deri më tani numëron 5 sfida dhe 1 gol me Newcastlen por fakti se sezonin e shkuar shënoi 25 gola në 40 sfida e bën edhe më të preferuar nga kryeqytetasit, i pretenduar edhe nga Barcelona në të shkuarën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
