Duke qenë se Claudio Ranieri nuk e ka të sigurtë rinovimin e kontratës me Romën, drejtuesit kanë filluar të analizojnë disa opsione.
Një ndër to është Carlo Ancelotti, i cili ka lënë gjurmë në çdo ekip që ka drejtuar.
Prej disa vitesh është përfolur se ishi i Milanit mund të rikthehet në Itali dhe pikërisht tashmë janë ‘’ Verdhekuqtë ‘’ të cilët duan ta kenë në stol.
Pavarësisht se aktualisht është i përqëndruar tek Real Madridi, e ardhmja në ‘’ Santiago Bernabeu ‘’ nuk është e sigurtë, duke qenë se ndoshta Xabi Alonso mund ta drejtojë këtë skuadër duke filluar nga sezoni vijues.
Natyrisht kryeqytetasit shpresojnë të rikthehen tek titujt e munguar prej vitesh, si në Itali ashtu edhe në Europë dhe për arritjen e këtij objektivi duhet një trainer i cili e njeh shumë mirë rrugën drejt suksesit.
Mendohet se muajt vijues do të jenë determinantë për të ardhmen e Romës dhe Carlo Ancelottit, i cili ka qenë pjesë e kësaj skuadre gjatë karrierës si lojtar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
