Uruguai fitoi finalen e vogël për vendin e tretë, në Kupën e Amerikës, pasi mposhti Kanadanë pas penalltive.
Koha e rregullt u mbyll në barazim 2-2, pas një ndeshje spektakolare, Bentacur zhbllokoi sfidën në minutën e 8-të, duke i dhënë avantazhin uruguaianëve, ndërsa në të 22-ën, Kone barazoi shifrat.
Jonathan David përmbysi rezultatin në favor të Kanadasë në minutën e 80-të, por te Uruguai nuk e kishin thënë ende fjalën e fundit dhe në minutën e 92-të, Suarez barazoi shifrat për ta dërguar ndeshjen te penalltitë.
Nga 11 metërshat, kanadezët gabuan dy herë, ndërsa uruguaianët ishin të saktë në 4 gjuajtje, duke marrë fitoren në fund.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
