Në këtë merkato dimërore vijojnë tentativat e ekipeve nga Arabia Saudite për transferimin e yjeve në kontinentin e vjetër.
Rasti i Rodrygo Goes është një ndër të shumtit, i cili mbetet një referent në ofensivën e Real Madridit.
Një klub në këtë kampionat, emri i të cilit nuk është bërë me dije ka ofruar në orët e fundit 200 milionë euro për sulmuesin, e shoqëruar me një pagë vjetore prej 140 milionë eurosh.
Megjithatë, me vetëm 24 vite mbi supe, Rodrygo konsiderohet një garanci për vijimësinë e ‘’ Galaktikëve ‘’ dhe traineri Carlo Ancelotti beson fuqimisht në aftësitë e tij.
Natyrisht është një ofertë tunduese por duhet thënë se negociatat ende nuk kanë filluar, ndërkohë që tifozeria e zjarrtë e ‘’ Los Merengues ‘’ dëshiron medoemos qëndrimin e yllit të 11-shes së teknikut italian në mitikun ‘’ Santiago Bernabeu ‘’.
Duhet theksuar se jo në të gjitha rastet ofertat e majme e bëjnë diferencën pasi shumë futbollistë ndër vite kanë preferuar vijimin e karrierës në kampionate cilësore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
