Vedat Muriqi u transferua me bujë te Lazio në merkaton e verës së kaluar, por pavarësisht se ka më shumë se një vit te bardhekaltrit, ende nuk ka arritur të bindë me paraqitjet e tij.
Te Lazio kanë menduar ta nxjerrin në merakto futbollistin, i cili mund të largohet që në janar. Drejtuesit bardhekaltër aspak të kënaqur me formën e sulmuesit të Kosovës, janë gati të dëgjojnë ofertat për të.
Thuhet se çmimi i 27-vjeçarit ka rënë në 10 milionë euro, ndonëse Lazio shpenzoi dyfish për ta marrë në skuadër. Për Muriqin interesimet nuk mungojnë, teksa thuhet se Fenerbahce e ndjek me kujdes situatën e sulmuesit.
Madje bëhet e ditur se klubi turk po përgatit lëvizjen, për ta afruar në skuadër në janar sulmuesin e Kosovës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
