Mauricio Pochettino do të marrë drejtimin e Chelsea në verë dhe ka nisur që tani nga puna, për të projektuar skuadrën e sezonit të ardhshëm.
Tekniku argjentinas, ka vendosur të mbajë sulmuesin Romelu Lukaku te skuadra londineze. I huazuar te Interi këtë sezon, sulmuesi belg do të rikthehet në “Stamford Bridge” dhe shihet si një lojtar i rëndësishëm për skuadrën.
Thuhet se Pochettino e ka në planet e tij dhe do e mbajë Lukakun në skuadër, ndonëse dëshira e 30-vjeçarit është të luajë te Interi edhe për një sezon.
Pochettino beson shumë te aftësitë e sulmuesit dhe i ka bërë të ditur drejtuesve, se Lukaku ka cilësitë e lojtarit që ai do të donte në sulm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
