Largimi surprizë i Kieran Trippier tek Newcastle e ka bërë për të kuptuar Diego Simeonen se s’duhet të humbasë asnjë minutë kohë për gjetjen sa më shpejt të kandidatit për krahun e djathtë të mbrojtjes .
Anglezi konsiderohej i pazëvëndësueshëm nga argjentinasi por përballë klubit më të pasur në botë i ka dhënë përparësi përfitimit dhe është kthyer aty ku nisi të shkëlqejë .
Premier League vijon ti japë shumë kënaqësi anglezit i cili bëri shumë tek Tottenhami në të kaluarën dhe tashmë ka vendosur të jetë protagonist tek klubi më i pasur i botës.
Traineri argjentinas shquhet për kokfortësinë e tij në funksion të përmirësimit të vazhdueshëm tek një ekip që e njeh shumë mirë dhe ka zgjedhur objektivin e ri . Alvaro Odriozola fatmirësisht ka buzëqeshur përsëri gjatë huazimit tek Fiorentina dhe me interesin e kampionëve të rinj të La Ligas tundimi për tu rikthyer në Spanjë bëhet më i madh .
‘’ Los Colchoneros ‘’ po shijojnë një periudhë të sukseshme pavarësisht se ulje-ngritjet janë të paevitueshme sepse natyrisht konkurrenca në kompeticionet pjesëmarrëse ashpërsohet me kalimin e kohës por eksperienca e ishi-t të River Plate i ka pozicionuar me meritë aty ku para disa vitesh as që mendohej .
Megjithatë ‘’ Vjollcët ‘’ po ecin me ritmin e duhur në Serinë A dhe gjatë këtij sezoni pretendohet me çdo kusht një vend në kupat e Europës në vijuesin dhe italianët kanë menduar transferimin ose zgjatjen për një vit tjetër të huazimit sepse 26 vjeçari ka ditur të komportohet në lartësinë e duhur duke iu bindur me përpikmëri urdhërave të Vincenzo Italianos.
Aktualiteti favorizon Fiorentinën e cila pas shumë vitesh ritenton futjen në kompeticionet më të rëndësishme dhe Alvaro Odriozola është një plus drejt këtij objektivi madhor .
Sinjali i drejtuesve nga Firence mbetet i qartë dhe ‘’ Los Rojiblancos ‘’ duhet të vijojnë këmbnguljen për të tjerë lojtarë sepse sakrificat e Diego Simeones pa dyshim meritojnë të rikompensohen nga kreu i presidencës kryeqytetase Enrique Cerezo.
Kalimi i mundshëm i 26 vjeçarit në ‘’ Wanda Metropolitano ‘’ do të shënonte fillimin e eksperiencës së tretë pas Real Sociedadit dhe ‘’ Galaktikëve ‘’ por parashikohet se Fiorentina do të bëjë çmos për qëndrimin e Alvaro Odriozolas në ‘’ Artemio Franchi ‘’.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
