Chelsea vazhdon të thurë plane për të ardhmen . Cdo ditë e më shumë këmbngulja e londinezëve në funksion të merkatos shtohet .Kryeqytetasit i janë kthyer pistës Jerome Boateng . Gjermani është drejt mbylljes së ciklit me Bayern Munchen që do të zyrtarizohet në 1 korrik dhe ka në dorë një shans që nuk duhet ti shpëtojë . Traineri Thomas Tuchel ngulmon për ta transferuar në Londër sepse 32 vjeçari e ka kualitetin për ti dhënë eksperiencën e munguar repartit defensiv dhe do të zbarkonte në ‘’ Stamford Bridge ‘’ me parametër zero . Kjo mundësi do të shënonte një start ndryshe për shtatlartin nga Berlini sepse Premier League ka një tjetër specifikë në krahasim me Bundesligën , kampionat ku Bayerni as që e ka diskutuar ndonjëherë protagonizmin.
Refuzimi i kontratës u konsiderua si një dush i ftohtë për bavarezët sepse rëndësia e Jerome Boateng gjatë 10 sezoneve në ‘’ Allianz Arena ‘’ ia ka mbajtur të shkruar emrin në historinë e këtij klubi . Qëndërmbrojtësi e ka bërë më funksional këtë repart dhe numëron në total 361 ndeshje , 10 gola dhe 25 asiste . Nëse operacioni do të ketë një fund të lumtur , Jerome Boateng nuk do të ndihej aspak i vetmuar sepse do të gjente mbështetjen nga shokët e kombëtares si Kai Havertz dhe Timo Werner dhe sidomos Thomas Tuchelit që e ka dhënë konfirmimin e tij .
Për anglezët mbetet domosdoshmëri mosprishja e ekuilibrave në të ardhmen sepse do të shkelmonin suksesin e arritur .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
