Chelsea dhe Newcastle duel për Hazard

Sulmuesi Eden Hazard konsiderohet ndër lojtarët me më shumë shanse për tu larguar nga ‘’ Santiago Bernabeu ‘’ gjatë merkatos vijuese .

Belgu është një ndër dështimet e ‘’ Galaktikëve ‘’ në vitet e fundit , fakt që e kanë përforcuar dëmtimet e njëpasnjëshme që se kanë lënë të ngrejë kokën . 30 vjeçari është shumë larg shkëlqimit me Chelsean  dhe tekniku Carlo Ancelotti ka preferuar aktivizimin e Vinicius Junior duke e anashkaluar krejtësisht nga 11-shja titullare.  

Por për lojtarë të kalibrit të tillë jo vetëm e tashmja  por edhe e kaluara merret në konsideratë dhe fati i ka trokitur përsëri në derë . Chelsea dhe Newcastle janë pretendentët që mendojnë se Eden Hazard ka akoma për të dhënë dhe do të përballen në një duel shumë të ashpër ndërmjet tyre .  

‘’ Blutë e Londrës ‘’ dhe bardhezinjtë duan ti japin një tjetër shans ishi-t të Lillës për të harruar përfundimisht eksperiencën më të dështuar në karrierë me një klub që është vështirë të arrihet në të tilla nivele .  

Mendimit se e ardhmja e tij mund të ndryshojë përfundimisht i është bashkuar edhe  portali ‘ Espn ‘ i cili ka konfirmuar  se zgjidhja më e mirë e Eden Hazard është ndërrimi i ambjentit sepse vijimi tek ‘’ Los Blancos ‘’ tashmë konsiderohet një fatkeqësi për sulmuesin . 

Në 3 vite në Madrid  Eden Hazard ka mundur ti shërbejë kryeqytetasve  në vetëm  52 ndeshje duke realizuar 5 gola dhe 7 asiste , statistika krejtësisht për tu harruar  .

E vetmja pikpyetje në këtë mes është se nëse Real Madridi do të veprojë me formulën e huazimit apo për shitjen përfundimtare për një lojtar që s’ka justifikuar aspak sakrificën e Florentino Perezit në merkaton e 2019- tës .