“Në Laç na pritën mirë”, Djarmati: Gafë e Da Silva, portierët kanë dalë lojtarët e ndeshjes

Drejtori i Vllaznisë, teksa foli për sfidën ndaj Laçit, e quan si budallallëk të Da Silvas, te penalltia, që i dha fitoren kurbinasve.

Në emisionin “Skaner” në MCN TV, Djarmati tha se në Laç, shkodranët janë pritur shumë mirë, ndërsa shtoi se në ndeshjet e fundit të Vllaznisë, portierët kanë qenë më të mirët në fushë.

“Nuk ishte një intuitë e Mazrekajt, por një budallallëk i lojtarit tonë, Da Silva, i cili shkaktoi penallti. Gafë e lojtarit tonë. Problemi te ne është sulmi. Në 3 ndeshjet e fundit, 3 portierët, Bekaj, Puja dhe Dajsinani, kanë qenë lojtarët më të mirë të ndeshjes. Nga ana e Laçit ishte një mikpritje shumë e mirë. Të gjitha kushtet ishin perfekte për këtë ndeshje. Ishte ndeshje për kartolinë.”